DVP Vlorë Specialistët për Hetimin e Krimeve të Komisariatit të Policisë Sarandë arrestuan në flagrancë shtetasin Th. Sh., 66 vjeç, banues në Sarandë, pasi dyshohet se ka ushtruar dhunë fizike ndaj bashkëshortes së tij. Po nga specialistët për Hetimin e Krimeve të Komisariatit të Policisë Sarandë u referuan materialet në Prokurori ku nisi procedimi në gjendje të lirë për shtetasit O. M., 38 vjeç dhe Th. R., 47 vjeç, pasi dyshohet se kanë trafikuar një automjet tip “Toyota”, duke i bërë ndryshime në elementet identifikuese. Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim shtetasin A. S., 27 vjeç, banues në Tiranë, pasi dyshohet se ka goditur me sende të forta, kunatin e tij, shtetasin S. Sh. Materialet procedurale i kaluan prokurorive, për veprime të mëtejshme.
